ბლოგთან დაკავშირებით

ვაჟა-ფშაველა ისეთი შემოქმედია, რომელიც ყველა დროს საჭირო და აქტუალურ რჩევებს გვაწვდის.

ვაჟა-ფშაველა სიბრძნის მასწავლებელია, ვაჟა-ფშაველა მამულიშვილობის მასწავლებელია. ვაჟას საკლასო ოთახი სრულიად საქართველოა, მოსწავლეები - ერთიანი ქართველი ერი, დაფა კი - ჩვენი სულები, რომელზედაც დიდ მასწავლებელს გამოჰყავს კაცთა სიყვარულია ფორმულა, - წერდნენ ვაჟაზე.

ამ ბლოგში გადავწყვიტე, მოსწავლეთათვის კიდევ ერთხელ გამეხსენებინა მისი ცხოვრების გზა, აფორიზმები და გამონათქვამები, რომლითაც გაჯერებულია მთელი შემოქმედება. 

მისი ბრძნული ფრთიანი გამონათქვამები ეხმარება მოსწავლეებს, რომლებიც დაინტერესებულნი არიან, სწორი პოზიციის დაჭერასა და ჯანსაღ აზროვნებაში.

ბავშვს აქვს საშუალება, გაეცნოს ვაჟას სიცოცხლეში გამოცემულ ნაწარმოებათა ანთოლოგიას და, სურვილის შემთხვევაში, ასევე ბლოგის მეშვეობით გავუზიარებთ შერჩეულ წიგნს.

მე-5 კლასიდან მე-12-ის ჩათვლით ყველა ასაკობრივი კატეგორია მისთვის საინტერესო მასალას აღმოაჩენს, დაეხმარება ვაჟას უკეთ გაცნობაში. ფოტომასალა და მთლიანად მასალა, ჩემი აზრით, მოსწავლეებში გაზრდის მოტივაციასა და დაინტერესებას.

მშრალი მონაცემების ნაცვლად ვაჟას ბიოგრაფია წარმოდგენილია მხატვრულ ჭრილში, რაც მიმზიდველი იქნება მკითხველთათვის.

დამატებით რესურსად იქნება კოლეგა-მასწავლებელთათვის, რომელიც აღნიშნულ თემებს გადიან.

ვაჟა ის შემოქმედია, რომელიც ყოველ ჯერზე სიახლეს გვთავაზობს. ამდენად, ამ ბლოგზე მუშაობამ ჩემი გამოცდილება კიდევ უფრო გაამრავალფეროვნა.

ეს ბლოგი საშუალებას მაძლევს, არასაგაკვეთილო სივრცეში მქონდეს საშუალება მოსწავლეებს მივაწოდო დამატებითი ინფორმაცია.

მისი შემოქმედება XX საუკუნის მოთხოვნებს პასუხობს.

ბავშვთა ასაკობრივი თავისებურებების გათვალისწინებით, ბლოგი იქნება მუდმივად განახლებადი.